ԵՐԵՎԱՆ, 11 սեպտեմբերի — Sputnik. Այսօր ՀՀ արտգործնախարար Էդվարդ Նալբանդյանն ընդունեց Հայաստանում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեին։ Դեսպանի դիվանագիտական առաքելությունն ավարտված է։ Այս մասին հայտնում է ՀՀ արտաքին գործերի նախարարությունը։
Էդվարդ Նալբանդյանը բարձր է գնահատել պաշտոնավարման ընթացքում դեսպանի ներդրումը հայ-ֆրանսիական հարաբերությունների առավել ամրապնդման գործում։
ՀՀ արտաքին գերատեսչության ղեկավարը դեսպան Շարպանտիեին պարգևատրել է արտգործնախարարության պատվո մեդալով և հաջողություն մաղթել նրան հետագա գործունեության մեջ։
