ԵՐԵՎԱՆ, 10 սեպտեմբերի — Sputnik. Հայտնի շոումեն Միխայիլ Գալուստյանի ընտանիքում կարևոր իրադարձություն է տեղի ունեցել։ Նրա կրտսեր եղբայր Դավիթն ամուսնացել է սիրելիի հետ։ Հարսանեկան հանդիսությունը կայացել է Սոչիի «Պիրոսմանի» ռեստորանում։
Նորապսակներին շնորհավորելու են եկել մոտ 500 մարդ։ Գալուստյանի երկրպագուները ևս շտապել են շնորհավորել երիտասարդ զույգին։
Միխայիլը եղբորը շնորհավորել է՝ թվիթերյան էջում տեսանյութ հրապարակելով, որի տակ հակիրճ գրել է․ «Հարազատ եղբորս ամուսնացրինք»։
Միխայիլի 31 տարեկան եղբայր Դավիթ Գալուստյանը հանդես է եկել ՈՒՀԱ-ի Սոչիի թիմում։ Նա նաև «Подарок с характером» ֆիլմի սցենարն է գրել, որում Միխայիլ Գալուստյանը հանդես է եկել Միխայիլ Օրեշկինի դերում։ Այժմ Դավիթ Գալուստյանն աշխատում է «Կամեդի Քլաբ Պրոդաքշնում»։
