ԵՐԵՎԱՆ, 10 սեպտեմբերի — Sputnik, Լիլիթ Հարությունյան․ Հայ դիզայներ Լիանա Սարգսյանը (eLSi ապրանքանիշ) աշխարհի լավագույն յոթնյակում է ընդգրկվել Palazzo Contarini Polignac փակ ցուցադրության համար, ըստ նորաձևության աշխարհի հեղինակավոր ներկայացուցիչների, որոնց շարքում է Միլանի նորաձևության շաբաթի նախագահ Մարիո Բոզելին։ Այս մասին Sputnik Արմենիայի թղթակցին հայտնեց Armfashionday նախագծի ղեկավար, Երևանում «Golden Lace» Նորաձևության շաբաթի կազմակերպիչ Նաիրա Նիազյանը։
Վենետիկի 74-րդ կինոփառատոնի շրջանակում կայացել է նորաձևության փակ ցուցադրության, ուր Լիանան ներկայացրեց իր նոր Haute Couture հավաքածուն։
«Ընդհանուր առմամբ Լիանան 21 զգեստ է ներկայացրել, որից 3-ը միանգամից ընտրվել են Վենետիկի կինոփառատոնի աստղերի համար», — հայտնեց Նիազյանը։
Վենետիկի կինոփառատոնի կարմիր գորգի համար ElSi-ի զգեստներ են ընտրել հայտնի դերասանուհի Թիֆնի Բրոուվերն ու հաղորդավարուհի, նարաձևության ոլորտի փորձագետ, արքայադուստր Ելնա Մարգրետ Բենթհայմը։
Ավելի վաղ ZIAN պատկերասրահի թոփ-դիզայներ Լիանա eLSi Սարգսյանը Երևանում «Golden Lace» Նորաձևության շաբաթվա ընթացքում դրամաշնորհ էր ստացել՝ The Fabrika-ի շրջանակում դիզայներների մրցույթին մասնակցելու համար։
