ԵՐԵՎԱՆ, 10 սեպտեմբերի — Sputnik. Երեկ՝ սեպտեմբերի 9-ին, Սոչիում կայացավ «Նոր Ալիք 2017» երիտասարդ կատարողների մրցույթի առաջին մրցութային օրը, որի ընթացքում Հայաստանը ներկայացնող Սյուզաննա Մելքոնյանը և Էռնա Միրզոյանը կատարեցին համաշխարհային հիթեր՝ արժանանալով ժյուրիի հիացմունքին ու բարձր գնահատականներին:
Ժյուրին Էռնա Միրզոյանին շնորհեց առավելագույն՝ 11 միավոր, ու հիմա նա 121 միավորով մրցույթի առաջին հորիզոնականն է կիսում Ուզբեկստանի ներկայացուցչի հետ:
Սյուզաննան ստացավ 118 միավոր՝ զբաղեցնելով մրցույթի 2-րդ հորիզոնականը:
«Նոր Ալիք 2017»-ը մեկնարկել է սեպտեմբերի 8-ին և տևելու է մինչև սեպտեմբերի 15-ը:
