ՀԱՊԿ ինստիտուտի տնօրենի տեղակալ Հենրիխ Ասլիբեկյանը Sputnik-ի ընթերցողներին է ներկայացնում այս համեղ ուտեստի պատրաստման սեփական «տարբերակը»։
«Մեր պապերն ասում էին, որ ամենահամեղ խորովածը պատրաստվում է կրակի վրա, ես լիովին համամիտ եմ»,- ասում է նա։
Նրա խոսքով` այդ դեպքում կարելի է խուսափել թունավոր գազերից։
«Խորովածի միսը չի կարելի մարինացնել։ Այդպես արվում էր այն ժամանակ, երբ սառնարաններ չկային, և միսն արագ փչանում էր։ Խոզի, ոչխարի կամ հավի կտորների վրա պետք է միայն աղ ու պղպեղ լցնել»,- նշում է Ասլիբեկյանը։
«Հայ խոհարարական ավանդույթների զարգացման և պահպանման» ՀԿ-ի նախագահ Սեդրակ Մամուլյանի խոսքով` խորովածի պատրաստման այս տարբերակը տարածված է եղել Կարսում։ Այդ պատճառով էլ կոչվում է նաև «Ղարսի խորոված»։
