ԵՐԵՎԱՆ, 10 սեպտեմբերի — Sputnik. ԱՄՆ-ի Ֆլորիդա նահանգի բնակչության մեկ չորրորդին խնդրել են որքան հնարավոր է արագ հեռանալ այն տարածքներից, որտեղ առավել շատ է վտանգի սպառնալիքը։ Ավելի քան 5.6 միլիոն մարդ է տարհանվելու, ինչն ԱՄՆ-ի պատմության մեջ ամենալայնածավալ տարհանումը կլինի։
«Փոթորիկը կհասնի Ֆլորիդայի արևելյան ու արևմտյան տարածքներ։ Մենք սպասում ենք, որ մակընթացությունը կհասնի 1,8-3,7 մետրի։ Իսկ այդքանը բավական է, որ մեր տների մեծ մասը ջրի տակ անցնեն»,- դիմելով բնակիչներին` հայտարարել է նահանգապետ Ռիկ Սքոթը։
«Իրմա» փոթորկի պատճառով ԱՄՆ-ի բնակիչները կարող են զրկվել էլեկտրականությունից։
Ֆլորիդա նահանգում մարդիկ կզրկվեն էլեկտրականությունից, հայտարարել է Florida Power & Light (FPL) էներգետիկ ընկերության ղեկավար Էրիկ Սիլոջին։
Նրա գնահատմամբ՝ խոսքը մոտավորապես ինը միլիոն մարդու մասին է։
Սիլոջին հայտնել է, որ մտադիր են դադարեցնել Ֆլորիդայի երկու էլեկտրակայանի աշխատանքը։
«Այդ փոթորիկն աննախադեպ ուժգնություն ունի։ Մենք ամենավատ տարբերակին ենք պատրաստվում ու, ամենայն հավանականությամբ, ստիպված ենք լինելու վերականգնել ենթակառուցվածքի մի մասը», — ասաց նա։
ԱՄՆ նախագահ Դոնալդ Թրամփը թվիթերյան իր էջում կոչ է արել հետևել կառավարության բոլոր խորհուրդներին։
This is a storm of enormous destructive power, and I ask everyone in the storm’s path to heed ALL instructions from government officials. pic.twitter.com/nJfM2Sdme1
— Donald J. Trump (@realDonaldTrump) 9 сентября 2017 г.
