Հայաստանում զբոսաշրջիկին զարմացնող թոփ տասնյակ

ԵՐԵՎԱՆ, 9 սեպտեմբերի — Sputnik. Տարեցտարի զբոսաշրջիկների թիվն ավելանում է, մեր երկիրն ավելի գրավիչ է դառնում օտարների համար։ Ինչպես ամենուր, մեզ մոտ էլ կան երևույթներ, որոնք զարմանք են առաջացնում նրանց մեջ։ Sputnik Արմենիան ներկայացնում է դրսի աչքին զարմանալ թոփ-10-ը։

1. Ինչո՞ւ են գազատար խողովակներն այդքան տեսանելի և այդքան բարձր տեղադրված։

2. Ինչո՞ւ են հոսանքալարերն այնքան ցածր, որ շատ դեպքերում տուրիստական ավտոբուսները չեն կարողանում մոտենալ հյուրանոցներին, և զբոսաշրջիկները ստիպված են լինում իրենց ուղեբեռով երկար քայլել մինչև հյուրանոց։

3. Ինչո՞ւ են հայերը ավտոմայրուղիների մոտ գինին վաճառում պլաստիկ տարաներում, առավել ևս՝ արևի տակ (ֆրանսիացիների համար սա սրբապղծության նման մի բան է)։

4. Ինչո՞ւ են հայ տղամարդիկ զրուցում միմյանց հետ պպզած։

5. Ինչպե՞ս են հայերը կարողանում այդքան աղի պանիր ուտել։

6. Ինչո՞ւ են երևանցիները, մաքուր մետրոն թողած, երթևեկում կեղտոտ երթուղայիններով։

7. Ինչպե՞ս կարելի է ամեն օր խորոված ուտել։

8. Ինչի՞ համար են ավտոտնակները։

9. Ինչո՞ւ Երևանի շատ փողոցներում մայթեր չկան։

10. Ի՞նչ է ավելուկը, և ինչո՞ւ են այն հյուսում։