ԵՐԵՎԱՆ, 9 սեպտեմբերի — Sputnik. Սարյան փողոցում անհայտ անձինք զինված հարձակում են գործել դեղատան վրա: Նախնական տվյալներով՝ տուժածներ չկան, կոտրված ապակիներ՝ նույնպես:
Դեպքի վայրում աշխատում են ոստիկանները, նրանք ոչ ոքի ներս չեն թողնում: Sputnik Արմենիայի աշխատակիցը նույնպես գտնվում է դեպքի վայրում:
Ականատեսները մեր թղթակցին պատմել են, որ լսել են դեղատան աշխատակցուհու ճիչը։ Նա օգնություն է կանչել, իսկ դիմակով տղամարդը պահանջել է բացել դրամարկղը։ Աղմուկին արձագանքել են անցորդները, իսկ տղամարդը դիմել է փախուստի։
Դեպքի հանգամանքները պարզվում են։
