ԵՐԵՎԱՆ, 8 սեպտեմբերի — Sputnik. Հայտնի շոումեն և հաղորդավար Անդրեյ Մալախովը մասնակցել է Comedy Club-ի հերթական նկարահանումներին, որի ընթացքում Comedy Club ակումբի հիմնադիր և անդամ Գարիկ Մարտիրոսյանը խնդրել է լիակատար լռություն պահպանել։
«Սա Անդրեյ Մալախովն է։ Նա շատ լավ վարկանիշ ունի։ Մենք էլ ТНТ-ում լավ վարկանիշ կունենանք»,- ասել է Մարտիրոսյանը։
Հայտնի հաղորդավարն իսկույն արձագանքել է շոումենի պահանջկոտ կոչին։
«Հայը ոտնահարում է ռուսների իրավունքները։ Ո՞վ է պատասխան տալու եկվորների անպատկառ արարքների համար, ո՞ւր է նայում Միգրացիոն ծառայությունը»,- ասել է Մալախովը։
Նկարահանման ընթացքը ներկայացրել է հումորիստ Միխայիլ Գալուստյանը, որը նույնպես հայկական արմատներ ունի։
Նշենք, որ Անդրեյ Մալախովն Առաջին ալիքում 25 տարի աշխատելուց հետո 2017 թվականի օգոստոսին որոշեց աշխատանքի անցնել Ռոսիա 1 հեռուստաընկերությունում։ Այժմ նա վարում է «Ուղիղ եթեր» հաղորդաշարը։
