ԵՐԵՎԱՆ, 8 սեպտեմբերի — Sputnik. Քաղաքացիական ակտիվիստ Վարդգես Գասպարին այսօր պառկել էր դատարանի շենքի դիմաց Հիմնադիր խորհրդարանի առաջնորդ Ժիրայր Սեֆիլյանի գործով դատական նիստի ժամանակ։ Նա իր այդ քայլով բողոքում էր Սեֆիլյանի համար որպես հանրային պաշտպան ներգրավված փաստաբան Մարինե Թովմասյանի դեմ։
Դատական նիստի ավարտին, երբ Մարինե Թովմասյանը հեռանում էր, Գասպարին նետվեց նրա ավտոմեքենայի առաջ։
Ոստիկաններին հաջողվեց նրան հեռացնել երթևեկելի հատվածից: Ուժ գործադրելով` ոստիկանության աշխատակիցները փորձեցին հեռացնել նրան նաև Արշակունյաց պողոտայից։
