ԵՐԵՎԱՆ, 8 սեպտեմբերի — Sputnik. RT-ի և «Ռոսիա սեգոդնյա» ՄՏԳ-ի գլխավոր խմբագիր Մարգարիտա Սիմոնյանն արձագանքել է ԱՄՆ պետդեպարտամենտի պաշտոնական ներկայացուցիչ Հեզեր Նաուերթի ասածին։ Այս մասին հայտնում է ՌԻԱ Նովոստին։
Մինչ այդ Նաուերթն արդեն հրաժարվել էր պատասխանել ԶԼՄ-ների ներկայացուցիչների մեկ այլ հարցի։ Լրագրողին հետաքրքրել էր, թե ինչի համար է ընդհանրապես խուզարկություն անցկացվում ռուսական դիվանագիտական ներկայացուցչություններում։
Մարգարիտա Սիմոնյանն այսպես է արձագանքել. «Պետդեպն անհարմար հարցեր տվող լրագրողներին RT-ի աշխատակիցներ է անվանել։ Շնորհակալություն, մեզ հաճելի է»։
Անցած շաբաթ ԱՄՆ-ն Ռուսաստանից պահանջել էր փակել Սան Ֆրանցիսկոյում Ռուսաստանի Դաշնության գլխավոր հյուպատոսարանը և դադարեցնել Վաշինգտոնում առևտրային ներկայացուցչության ու Նյու Յորքում դրա մասնաճյուղի գործունեությունը։ Նույն օրը շենքերի տարածքում խուզարկություն էր իրականացվել։ Ռուսաստանն այդ գործողությունները որակել էր որպես միջազգային նորմերի կոպիտ խախտում։
