Դավիթը շատ է սիրում հայկական ազգային պարերը։ Ազգային պարերը ազգի ոգին են, արտիստը պետք է իրեն ամբողջովին պարին նվիրի, հակառակ դեպքում` ոչինչ չի ստացվի, կարծում է «Ты супер! Танцы« նախագծի հայ մասնակիցը։
«Ты супер! Танцы» միջազգային մրցույթը, որն անցկացնում են ՆՏՎ հեռուստաընկերությունը և Sputnik գործակալությունն ու ռադիոն, կմիավորի Ռուսաստանի, ԱՊՀ-ի ու Բալթյան երկրների տարբեր անկյուններում բնակվող տաղանդավոր երեխաներին և նրանց նվիրական երազանքներն իրականացնելու հնարավորություն կտա։
Մրցույթում Հայաստանը կներկայացնեն Գյումրիից Ռուսաստան մեկնած Աստղիկ Միքայելյանն ու Դավիթ Այվազյանը։
