ԵՐԵՎԱՆ, 6 սեպտեմբերի — Sputnik. Հայաստանի Հանրապետության վաստակավոր արտիստ, արմատներով արցախցի Անդրեի (Անդրեյ Հովնանյան) նոր տեսահոլովակը շուտով պատրաստ կլինի։ Sputnik Արմենիայի հետ զրույցում այս մասին հայտնեց հենց երգիչը` նշելով, որ տեսահոլովակը հանրությանը կներկայացնի այս ամսվա ընթացքում։
««Պապ ջան» վերնագրով նոր տեսահոլովակս Արցախյան պատերազմի մասին է, պատերազմական թոհուբոհով անցած հայ հայրիկների ու այն բոլոր դժվարությունների մասին, որոնք հաղթահարում են ընտանիքի անդամները, երբ տան տղամարդը գնում է պատերազմ»,- ասաց Անդրեն։
«Պապ ջան» տեսահոլովակում նկարահանվել են ՀՀ վաստակավոր արտիստ Շանթ Հովհաննիսյանն ու Նարինե Գրիգորյանը (նկարահանվել է «Կյանք ու կռիվ» ֆիլմում):
Տեսահոլովակի ռեժիսորը Հրանտ Մովսիսյանն է։ Նկարահանումները տեղի են ունեցել Հայաստանի տարբեր վայրերում:
Երաժշտության հեղինակը Մանե Հակոբյանն է, խոսքի հեղինակը` Ավետ Բարսեղյանը, գործիքավորողը Վահան Նահապետյանն է, իսկ պրոդյուսերը` Անուշ Հովնանյանը։
Առաջիկա օրերին Անդրեն կհյուրընկալվի Sputnik Արմենիայի տաղավարում և մանրամասն կխոսի նոր տեսահոլովակի մասին։
