ԵՐԵՎԱՆ, 4 սեպտեմբերի — Sputnik. Facebook Inc. ամերիկյան կորպորացիան «Центр финансовых технологий» ռուսական ընկերությունից պահանջել է անհատույց իրենց հանձնել facebook.ru դոմեյնը, գրում է «Կոմերսանտը»։
Ինչպես գրում է պարբերականը` Facebook Inc.–ին հայտնի է դարձել, որ դոմեյնը պատկանում է "Центр финансовых технологий" ընկերությանը, քանի որ facebook.ru դոմեյնից ավտոմատ կերպով վերահասցեավորվում է «Զոլոտայա կորոնա» վճարային համակարգի կայք։ Կորպորացիան պահանջում է մինչև սեպտեմբերի 30-ն իրեն փոխանցել վիճահարույց դոմեյնը։
«Օգտագործվող facebook.ru դոմեյնային անունը կրկնում է գրանցված ապրանքանիշը, ինչը բացարձակ անընդունելի է Facebook Inc.–ի համար»,– նշված է նամակում։
«Центр финансовых технологий» ընկերության մամուլի ծառայությունում նշել են, որ նախորդ 12 տարիների ընթացքում Facebook Inc. ընկերությունից կամ մեկ այլ անձից որևէ բողոք դոմեյնի վերաբերյալ չի ստացվել։
Facebook–ում սպասում են բողոքի պատասխանին մինչև սեպտեմբերի 6-ը։
