ԵՐԵՎԱՆ, 4 սեպտեմբերի — Sputnik. Գերմանիան չի կարող միակողմանի կարգով կասեցնել Թուրքիայի` Եվրամիության անդամակցության շուրջ բանակցությունները, բայց պատրաստ է խստացնել Անկարայի դեմ տնտեսական միջոցները` ի պատասխան Գերմանիայի քաղաքացիների ձերբակալմանը։
ARD հեռուստաընկերության ուղիղ եթերում Գերմանիայի Դաշնային Հանրապետության կանցլեր Անգելա Մերքելը հայտնել է, որ այդպիսի բանակցությունների կասեցման մասին որոշումները կայացնում է ԵՄ-ի մեծամասնությունը։
Մերքելը պատասխանել է հաղորդավարի հետևյալ հարցին` Թուրքիայում Գերմանիայի քաղաքացիների մի շարք ձերբակալություններից հետո արժե՞ արդյոք կասեցնել Թուրքիայի ԵՄ-ին անդամակցելու շուրջ բանակցությունները։
Կանցլերը հայտարարել է, որ ինքն անձամբ Թուրքիայի դեպքում ԵՄ անդամ դառնալու հնարավորություն չի տեսնում, Գերմանիան կարող է Թուրքիայի վրա ազդել տնտեսական առումով։
«Մենք պետք է ավելի կտրուկ զգուշացում անենք այն մարդկանց համար, որոնք ցանկանում են այդ երկիր գնալ», — ասել է Մերքելը` հնարավոր համարելով Թուրքիայի դեմ վարկային սահմանափակումների կիրառումը։
Բունդեսթագի ընտրությունները Գերմանիայում կկայանան սեպտեմբերի 24-ին։
