ԵՐԵՎԱՆ, 4 սեպտեմբերի — Sputnik. Ռուսաստանաբնակ հայտնի կոշկագործ Ալեքսանդր Սիրադեկյանը, որը համանուն բրենդի (Aleksander Siradekian) հիմնադիր-ղեկավարն է, ներկայացրել է կոշիկների ու պայուսակների աշնանային հավաքածուն, որը ստեղծելիս ոգեշնչվել է Հայաստանի, հայկական մշակույթի թեմաներով:
Հավաքածուում գերակշռում են հայկական գորգերի ու կարպետների նախշերը: Այս մասին գրում է vogue.ru-ն։
Դասական մոդելներից բացի, դիզայները ներկայացրել է տափակ, ավելի հարմար կոշիկներ, որոնցից ամեն մեկն առանձնահատուկ դետալ ունի՝ բնական մորթի, մեծ ժապավեն և, իհարկե, արդեն Սիրադեկյանի այցեքարտը դարձած մետաքսյա պոչը:
Կոշիկները լրացնում են առաջարկվող գուլպաները: Յուրօրինակ ոճային լուծումներով են աչքի ընկնում նաև պայուսակները՝ թավշից ու կաշվից:
Հավաքածուն շուտով վաճառքի կհանվի:
