ԵՐԵՎԱՆ, 3 սեպտեմբերի — Sputnik. Ռուսաստանի և Չինաստանի նախագահներ Վլադիմիր Պուտինը և Սի Ցզինպինն այցելել են չինական ազգային արհեստների ցուցադրություն ու նվերներ են փոխանակել: Այս մասին հաղորդում է ՌԻԱ Նովոստին:
Պուտինը Չինաստանի պաշտոնակցին սաթից պատրաստված նկար և նեֆրիտից պատրաստված լապտեր է նվիրել:
Իր հերթին Սի Ցզինպինը ՌԴ ղեկավարին գրասեղան է նվիրել, որի վրա բարեմաղթանքներ են և արձանիկ՝ ավանդական հագուստով չինացի զինվոր:
Փոքր դադարից հետո պաշտոնական ընթրիքի ֆորմատում Ռուսաստանի և Չինաստանի նախագահները մտքեր են փոխանակել երկկողմ հետաքրքրությունների և միջազգային խնդիրների վերաբերյալ:
