ԵՐԵՎԱՆ, 3 սեպտեմբերի — Sputnik. ԿԳ նախարար Լևոն Մկրտչյանի ստորագրած հրամանով՝ առաջին դասարանցիների աշնանային արձակուրդները տրվում են 2017թ. հոկտեմբերի 23-ից նոյեմբերի 5-ը ներառյալ, ձմեռայինը` 2017թ. դեկտեմբերի 25-ից 2018թ. հունվարի 21-ը ներառյալ, գարնանայինը` 2018թ. մարտի 19-ից ապրիլի 1-ը ներառյալ:
Երկրորդ դասարանցիների աշնանային արձակուրդները տրվում են 2017թ. հոկտեմբերի 30-ից նոյեմբերի 5-ը ներառյալ, ձմեռայինը` 2017թ. դեկտեմբերի 25-ից 2018թ. հունվարի 21-ը ներառյալ և գարնանայինը` 2018թ. մարտի 26-ից ապրիլի 1-ը ներառյալ:
3-12-րդ դասարանների սովորողներն աշնանային արձակուրդի կգնան 2017թ. հոկտեմբերի 30-ից նոյեմբերի 5-ը: Իսկ ձմեռային արձակուրդը կլինի 2017թ. դեկտեմբերի 25-ից 2018թ. հունվարի 7-ը ներառյալ: Գարնանային արձակուրդն էլ սկսվում է 2018թ. մարտի 26-ից և ավարտվում ապրիլի 1-ին:
