ԵՐԵՎԱՆ,2 սեպտեմբերի — Sputnik. Ժամը 19:45-ին դրությամբ «Խոսրովի անտառ» պետական արգելոց ՊՈԱԿ-ի «Քորուզ» և «Մուսազ» կոչվող ձորակներում մոտ 4 — 5 հա տարածքում այրվել են խոտածածկույթ և ծառի կոճղեր, մարվել են ծխացող 33 օջախ: Այս մասին հայտնում է ԱԻՆ մամուլի ծառայությունը:
Հրդեհաշիջման աշխատանքներին մասնակցել են 40 փրկարար և արգելոցի 15 աշխատակից: Ժամը 19:40-ին հայտարարվել է աշխատանքների ավարտ:
Դեպքի վայրում հերթապահություն են իրականացնում արգելոցի աշխատակիցները:
Հիշեցնենք, որ սեպտեմբերի 1-ին, ժամը 19:21-ին «Խոսրովի անտառ» պետական արգելոց պետական ոչ առևտրային կազմակերպության տնօրենի տեղակալից տեղեկություն է8 ստացվել, որ արգելոցի տարածքում կայծակի հետևանքով հրդեհ է բռնկվել:
Դեպքի վայր էին մեկնել 33 փրկարար ծառայող, 1 քաղծառայող: Աշխատանքներին մասնակցել էին նաև արգելոցի աշխատակիցները:
