«Ենթատեքստ» հաղորդաշարն անդրադառնում է
«Համայնքային թափոնների կառավարման մասին» օրինագծի առանցքային դրույթներին, ինչպես նաև «Վարչական իրավախախտումների վերաբերյալ» ՀՀ օրենսգրքում կատարված փոփոխություններին:
«Մաքուր Հայաստան» ծրագրի մեկնարկը տրվեց ապրիլի 20-ին: Հայաստանը համատարած աղբից մաքրելու հանձնարարականի հետքերով վարչապետն անգամ նկատողություն արեց մարզպետներին ու համայնքների ղեկավարներին, ոստիկանապետին էլ հանձնարարեց կոշտ գործողությունների դիմել աղբահանության վերաբերյալ: Միաժամանակ, կառավարության ղեկավարը արդարադատության նախարարին հանձնարարեց երկամսյա ժամկետում կառավարություն ներկայացնել համապատասխան օրենսդրական փոփոխությունները՝ աղբահանության և սանիտարական մաքրման ոլորտում իրավախախտումների համար առավել հստակ ու համապարփակ նորմեր ներդնելու վերաբերյալ:
Օրենսդրական կարգավորումները բավարա՞ր են բոլորիս երազած մաքուր Հայաստանն ունենալու համար, թե՞ այնուամենայնիվ նպատակին հասնելու ամենաուղիղ ճանապարհը քաղաքացու գրպանին «կպնելն» է: Բոլոր բացահայտումները «Ենթատեքստում» են:
«Ենթատեքստ» հաղորդումը կարող եք ունկնդրել նաև Sputnik Արմենիա ռադիոկայանի եթերում (FM 106.0):
Հաղորդաշարի հեղինակը Լուսինե Մկրտչյանն է։
