ԵՐԵՎԱՆ, 30 օգոստոսի — Sputnik. Այսօր` օգոստոսի 30-ին, Մոսկվայում անցկացվում է հունահռոմեական ոճի ըմբիշ, Օլիմպիական խաղերի և Եվրոպական խաղերի փոխչեմպիոն Միհրան Հարությունյանի ու երգչուհի Բեբիա Մակտինայի հարսանեկան արարողությունը։
Ըմբիշն Ինստագրամի իր էջում կադրեր է հրապարակել հարսանիքից։
Բեբիան ավելի վաղ պատմել էր, որ հարսանիքը տոնելու են ամենամտերիմների հետ։
«Մենք չենք պլանավորում ավանդական հարսանիք անցկացնել, քանի որ ամուսինս հայ է, ու նրանք իրենց ավանդույթներն ունեն։ Դրա համար որոշեցինք, որ հարսանիքի ընթացքում պարզապես կհնչեն աբխազական ու հայկական երգեր», — ասել էր երգչուհին։
Հարսանիքից հետո Միհրանն ու Մակտինան մեկնելու են Աբխազիա՝ աբխազական ավանդույթներով հարսանիք անցկացնելու։
Միհրան Հարությունյանն ու Մակտինա Բեբիան ծանոթացել են 2017թ.-ի հունվարին, մոսկովյան ռեստորաններից մեկում։
