ԵՐԵՎԱՆ, 30 օգոստոսի — Sputnik. Վալերի Հովհաննիսյանը Մոսկվայի «Արարատի» մամուլի ծառայությանը տված հարցազրույցում հայտնել է, որ երկարատև բուժման կարիք ունի և այդ պատճառով հեռանում է ակումբի նախագահի պաշտոնից:
«Ցավոք, ստիպված եմ վայր դնել «Արարատի» նախագահի ու գործադիր տնօրենի լիազորությունները»,- ասել է նա։
Նա վստահ նշել է, որ ակումբը կշարունակի հասնել հաջողությունների ու կլուծի իր առջև դրված խնդիրները:
«Շնորհակալ եմ բոլոր ֆուտբոլիստներին, մարզչական ու ադմինիստրատիվ կազմին համատեղ աշխատանքի համար»,- ասել է Հովհաննիսյանը:
Նշենք, որ «Արարատն» այժմ գլխավորում է Ռուսաստանի երկրորդ դիվիզիոնի «Կենտրոն» գոտու մրցաշարային աղյուսակը:
