ԵՐԵՎԱՆ, 29 Օգոստոս — Sputnik. Այսօր Էրեբունու «Weekend» բիլիարդի սրահում ժամեր շարունակ 23–ամյա աղջկան պատանդ պահած տղամարդը 1986թ.–ին ծնված Գոռ Հակոբյանն է։
Դեպքի վայր ժամանած ոստիկանությունը մեկ ժամ բանակցություններ է վարել պատանդառու տղամարդու հետ։ Երբ պարզվել է, որ նա բանակցությունների չի գնում, իսկ աղջկա կյանքին արդեն վտանգ է սպառնում, որոշում է կայացվել դիպուկահարի օգնությամբ վնասազերծել նրան։
Ե՛վ աղջկան, և՛ տղային տեղափոխել են հիվանդանոց, որտեղ վերջինս մահացել է։
Բիլիարդանոցում պատանդ վերցված աղջիկը բազմաթիվ կապտուկներ, կտրած-ծակած վերքեր ունի։ Նրա առողջական վիճակը միջին ծանրության է։
Հիշեցնենք, որ ժամեր առաջ Երևանի Էրեբունի վարչական շրջանի բիլիարդանոցներից մեկում մի տղամարդ պատանդ էր վերցրել մի աղջկա և սպառնում էր սպանել նրան։ Նշված շինության ապակիներն ամբողջովին փշրված են, գույքը՝ ջարդված։
