Նախագահ Սերժ Սարգսյանն այսօր հյուրընկալել է 2016-2017 ուսումնական տարում բարձր առաջադիմություն ցուցաբերած հանրապետության հանրակրթական ուսումնական հաստատությունների մեդալակիր շրջանավարտներին, ինչպես նաև դպրոցականների միջազգային առարկայական օլիմպիադաներում 2017թ. հաջողությունների հասած մայրաքաղաքի և մարզերի աշակերտներին, «Կենգուրու» միջազգային մաթեմատիկական և հայոց լեզվի «Մեղու» մրցույթների մրցանակակիրներին:
Ելույթից հետո` հարցուպատասխանի փուլում, նախագահը հայտնեց, որ պատրաստ է շախմատի խաղատախտակի մոտ նստել մի փոքրիկի հետ, ով ցանկանում է ուժերը փորձել Հանրապետության նախագահի հետ։
Սերժ Սարգսյանը պատասխանեց նաև մյուսի հարցին` արդյո՞ք երիտասարդ տարիքում նա ցանկացել է դառնալ ՀՀ նախագահ։
