Թագուհի Ստեփանյան
Այս պահի դրությամբ «Նաիրիտ» գործարանի տարածքում հերթապահություն է իրականացնում շտապօգնության մեկ մեքենա: Sputnik Արմենիային այս մասին հայտնեց «Շտապօգնություն» ՓԲԸ-ի տնօրեն Թագուհի Ստեփանյանը։
«Երեկ դրանց թիվը 4-ն էր, իսկ հիմա անհրաժեշտություն չկա»,- նշեց նա:
Ստեփանյանի խոսքով` ուրախալին այն է, որ «Նաիրիտ» գործարանի հարակից տարածքներից «Շտապօգնություն» ծառայությանը չեն դիմել, ծխի ազդեցությամբ պայմանավորված կանչեր չեն եղել, չեն արձանագրվել թունավորման դեպքեր։
«Դա վկայում է, որ արտանետումները վտանգավոր չեն առողջության համար»,- ասաց նա։
Թեև մասնագետները զգուշացրել էին, որ հնարավոր է` խնդիրներ առաջանան շնչառական հիվանդություններ ունեցող հիվանդների մոտ, սակայն «Շտապօգնությունն» այդպիսի հիվանդների վիճակի բարդացման հետ կապված կանչեր ևս չի արձանագրել:
