Երբ դեռ «Նաիրիտն» աշխատում էր, մենք անընդհատ զգուշացնում էինք, որ այն վտանգավոր է, Sputnik Արմենիայի հետ զրույցում ասաց բնապահպան Կարինե Դանիելյանը։
«Դեռևս պարզ չէ, թե ինչ նյութեր են վառվել, բայց էկոհամակարգը միանշանակ վնասվելու է։ Ռիսկ կա, որ օդային ավազանը կաղտոտվի թունավոր նյութերով»,- նշեց բնապահպանը։
Նրա խոսքով` ճիշտ կլինի` մարդկանց զգուշացնեն, որ փողոց դուրս չգան, պատուհանները փակեն, քանի որ թունավորման վտանգ կա և՛ վաղը, և՛ մյուս օրը։
Արտակարգ իրավիճակների նախարարությունը հայտարարել է, որ Փրկարար ծառայության Ճառագայթային, քիմիական և կենսաբանական իրավիճակների մոնիտորինգի խումբն իրականացրել են տեղում վերցված օդի փորձանմուշների ուսումնասիրություն, որի արդյունքում օդի բաղադրության մեջ մարդկանց առողջության համար վտանգավոր նյութեր չեն հայտնաբերվել:
Ըստ հայտարարության` «Նաիրիտ» գործարանի կառուցման հիմքում դրված են այնպիսի ինժեներատեխնիկական լուծումներ, որոնք նվազագույնի են հասցնում գործարանում տեղի ունեցած ցանկացած վթարի բացասական ազդեցությունը հարակից բնակչության և շրջակա միջավայրի համար:
