Ժամը 15:00-ի դրությամբ «Նաիրիտ» գործարանի տարածքում բռնկված հրդեհի մարման աշխատանքներում ներգրավված են մեկ ավտոսանդուղք և 11 մարտական հաշվարկ, որոնցից երկուսը՝ «Նաիրիտ» գործարանի հրշեջ-ջոկատից: Դեպքի վայրում է նաև ՓԾ Ճառագայթային, քիմիական և կենսաբանական իրավիճակների մոնիտորինգի խումբը:
Նախնական տվյալով` հրդեհի վայրում այրվում է լաքէթինոլ նյութը: Դեպքի վայրից հաղորդել են, որ այրվող նյութից վտանգավոր արտանետումներ չկան, բնակչությանը վտանգ չի սպառնում:
Մարման աշխատանքներն իրականացնում են փրփուրով։ Լրագրողներին բաժանել են համապատասխան դիմակներ` վտանգներից խուսափելու համար։ Լրագրողներից մեկը ծխից վատացել է և այս պահին գտնվում է շտապօգնության մեքենայում, բժիշկների հսկողության տակ։
Նախնական տվյալներով` պայթյունի պատճառ կարող էր հանդիսանալ բարձր ջերմաստիճանը։
Նշենք, որ ՀՀ արտակարգ իրավիճակների նախարարություն այսօր` ժամը 13:10-ին ահազանգ է ստացվել, որ Երևան քաղաքի «Նաիրիտ» գործարանի տարածքում պայթյունի ձայն է լսվել և հրդեհ է բռնկվել:
