ԵՐԵՎԱՆ, 28 օգոստոսի — Sputnik. Արտակարգ իրավիճակների նախարարությունն օգոստոսի 28-ին, ժամը 13:10-ին ահազանգ է ստացել, որ Երևան քաղաքի «Նաիրիտ» գործարանի տարածքում պայթյունի ձայն է լսվել և հրդեհ է բռնկվել:
Հրդեհի բարդության «թիվ 3» կանչով դեպքի վայր են մեկնել տասը մարտական հաշվարկ և Ճգնաժամային կառավարման կենտրոնի արտակարգ իրավիճակների արձագանքման և օպերատիվ խմբերը:
Ժամը 14:00-ի սահմաններում հրդեհը մեկուսացվել է, կրակի տարածման վտանգ չկա. այրվող նյութը վտանգ չի ներկայացնում:
Sputnik Արմենիայի նկարահանող խումբն այս պահին գտնվում է դեպքի վայրում։ Ավելի ուշ կներկայացնենք տեղի ունեցածի մանրամասները։
