ԵՐԵՎԱՆ, 28 օգոստոսի — Sputnik. Մարկ Ցուկերբերգը երկրորդ զավակի ծննդյան մասին գրառում է կատարել և լուսանկար հրապարակել իր հիմնած «Ֆեյսբուք» սոցիալական ցանցում:
«Սիրելի՛ Ավգուստա, բարով ես եկել այս աշխարհ: Քո մայրը և ես անհամբերությամբ սպասում ենք տեսնելու, թե դու ով կդառնաս»,- գրել է Մարկը:
Ավելի վաղ Ցուկերբերգը հայտնել էր, որ դստեր ծնվելուց հետո երկու ամսով արձակուրդ է վերցնելու։ Նա նաև նշել էր, որ այնքան էլ համոզված չէինք, թե պատրաստ ենք երկրորդ երեխայի ծնունդին:
«Երբ մենք իմացանք, որ Պրիսցիլան հղի է, մեր առաջին մտահոգությունն էր, որ երեխան առողջ լինի: Նաև շատ էի ցանկանում, որ նա աղջիկ լինի: Չեմ կարող պատկերացնել առավել մեծ նվերի մասին, քան դստրիկն է: Ես անչափ երջանիկ եմ, որ Մաքսը քույրիկ կունենա, որովհետև քրոջից լավ բան չկա», — գրել էր Ցուկերբերգը:
Մարկ Ցուկերբերգի առաջին դուստրը` Մաքսիման, ծնվել է 2015 թվականի դեկտեմբերի 2-ի։
