«Թուրքիայում զարմանում են, թե ինչպես կարող է պատահել, որ քրդերը, մահմեդական լինելով, դեմ են դուրս եկել իրենց: Այդ պատճառով էլ նրանց մեղադրում են հայ լինելու մեջ»,- ասաց Էստուկյանը:
Նրա խոսքով՝ թուրքերի համար այն ամենը, ինչը ձեռնտու չէ, կապված է հայերի հետ:
Օրեր առաջ տեղեկություն էր հրապարակվել, որ Թուրքիայի Դիարբեքիր նահանգի գյուղերում թուրք հատուկջոկատայինները մտնում են տեղի քրդերի բնակարաններ, տարբեր հարցադրումներով ու ճնշումների ենթարկելով փորձում են պարզել նրանց իրական ազգությունը:
Քաղաքացիական հագուստով թուրք հատուկջոկատայինները քուրդ բնակիչներից մեկի տանը «Աստվածաշունչ» տեսնելով՝ հայերեն ասել են. «Եթե հայ ես, քողարկվելու կարիք չկա, անկեղծ ասա մեզ»:
Դիարբեքիրի Հազզո գյուղում հիմնականում քրդեր են բնակվում, որոնք աջակցում են քրդերի անկախության համար պայքարող Քրդստանի աշխատավորական կուսակցությանը:
