Խաբարովսկի տաքսիստներից մեկն անհնազանդ ուղևորներին «պատժելու» նոր միջոց է գտել։ Նա ստիպել է երկու աղջիկներին իրենց դեմքին «զելյոնկա» քսել, հայտնում է ՌԻԱ Նովոստին՝ հղում անելով Amur Media-ին։
Համացանցում տեսանյութ է հայտնվել, որում հստակ երևում է, որ աղջիկներից մեկը կանգնած է կանաչ դեմքով ու փորձում է թաքցնել այն, իսկ երկրորդը դեմքին «զելյոնկա» է քսում։ Ընդ որում՝ «հոգատար» տաքսիստը խորհուրդ է տալիս աղջկան փակել աչքերը։
Գործընթացին մի քանի հոգի է հետևում, այդ թվում՝ օպերատորը, որի ձայնը լսվում է կադրից դուրս։
«Այսօր YouTube-ում կհայտնվեք… Աչքերդ փակիր։ Մի զլացիր, քսիր», — ասում է երիտասարդը՝ նրան մեկնելով դեղամիջոցի սրվակը։
«Օպերատորներն» ու «ռեժիսորները» ծիծաղում են, իսկ աղջիկները հաստատ ծիծաղելու ցանկություն չունեն։
Ադամանդե կանաչը հականեխիչ միջոց է։ Սխալ օգտագործման դեպքում կարելի է քիմիական այրվածք ստանալ։
