ԵՐԵՎԱՆ, 27 օգոստոսի — Sputnik. Ազատ ոճի ըմբիշ, աշխարհի առաջնությունում Հայաստանը ներկայացնող Գեորգի Կետոևը խոսել է աշխարհի առաջնությունում նվաճած բրոնզե մեդալի և Օլիմպիական խաղերին մասնակցելու մասին: Այս մասին հայտնում է armfootball-ը:
«Հայաստանն ինձ համար երկրորդ հայրենիք է: Իմ հայրենիքը Օսեթիան է, երկրորդը` Հայաստանը: Միշտ էլ հպարտանում եմ Հայաստանի դրոշը բարձրացնելիս»,- նշել է Կետոևը:
Նախօրեին աշխարհի առաջնությունում նվաճած բրոնզե մեդալն առաջինն էր Հայաստանի դրոշի ներքո:
«Հուսով եմ` մյուս շրջափուլում ավելի ու ավելի լավ հանդես կգամ»,- ասել է Կիտոևը:
Ըմբիշը նշել է, որ չի դադարելու գոտեմարտել, հակառակը` աստիճաններով բարձրանալու է, որպեսզի հասնի մինչև 2020թ.-ի օլիմպիական խաղեր:
