ԵՐԵՎԱՆ, 27 օգոստոսի — Sputnik. Երեկ՝ օգոստոսի 26-ին, մահացել է բեմադրիչ Անտոն Աղայանցը։
Աղայանցը ծնվել է 1940 թվականի հոկտեմբերի 3-ին Լենինգրադում, Հայկական ԽՍՀ արվեստի վաստակավոր գործիչ էր:
1963թվականից աշխատել է Հայաստանի հանրային հեռուստաընկերությունում` բեմադրելով բազմաթիվ հեռուստատեսային ներկայացումներ («Սինյոր Պապագատտո», «Մովսես ապերը», «Քարանձավի բնակիչները» «Երկու տիրոջ ծառա» «Մեռնող Ֆլորան»)։
Դասավանդում էր Երևանի թատրոնի և կինոյի պետական ինստիտուտում և Խաչատուր Աբովյանի անվան պետական մանկավարժական համալսարանի կուլտուրայի ֆակուլտետում:
Անտոն Աղայանցն ամուսնացած էր հաղորդավարուհի, դերասանուհի Նոննա Զոտովայի հետ։
