ԵՐԵՎԱՆ, 27 օգոստոսի — Sputnik. Ադրբեջանի N զորամասի զինամթերքի պահեստում տեղի ունեցած պայթյունի հետևանքով վեց մարդ է տուժել: Այդ մասին հայտնում է ՌԻԱ Նովոստին՝ վկայակոչելով երկրի առողջապահության նախարարությանը:
«Նրանք բեկորային վնասվածքներով հոսպիտալացվել են»,- հայտնել են գերատեսչությունից:
Նշվում է, որ զինահապեստում տեղի ունեցած պայթյունից հետո մի քանի արկ ընկել է մոտակայքում գտնվող տների վրա:
«Պայթյունից հետո արկերն ընկել են Գիլյազի բնակավայրում գտնվող տների վրա, հրդեհ է բռնկել: Իրականացվում են հրդեհաշիջման աշխատանքներ: Այժմ տարհանվում է բնակչությունը»,- հայտնել է գործակալության զրուցակիցը:
Երկրի պաշտպանության նախարարության հաղորդմամբ՝ զինապահեստում հրդեհ է բռնկել, ինչից հետո պայթյուններ են տեղի ունեցել:
Ավելի վաղ տեղեկություն էր տարածվել, որ Ադրբեջանի Խիզիի շրջանի Գիլյազի բնակավայրում N զորամասում գտնվող զինամթերքի պահեստում պայթյուն է որոտացել:
Արտակարգ դեպքի հետևանքով որոշվել է փակվել «Բաքու-Ռուսաստանի սահման» ավտոճանապարհը:
