ԵՐԵՎԱՆ, 25 օգոստոսի — Sputnik. Թուրքիան չի կարողանա անդամակցել Եվրամիությանը, քանի դեռ երկրի նախագահը Թայիփ Էրդողանն է։ Bild թերթին տված հարցազրույցում այս մասին հայտարարել է Գերմանիայի արտգործնախարար Զիգմունդ Գաբրիելը։
«Դա չի նշանակում, որ մենք դեմ ենք նրանց, սակայն Էրդողանի կառավարությունն արագորեն շարժվում է Եվրոպայի հակառակ ուղղությամբ… Պարզ է, որ Թուրքիան իր այսօրվա վիճակով չի կարող ԵՄ անդամ դառնալ»,- ասել է Գաբրիելը։
Նա Թուրքիայի նախագահին առաջարկել է հանդես գալ նախաձեռնությամբ և դադարեցնել ԵՄ-ին անդամակցելու շուրջ ծավալած բանակցությունները։
ԵՄ-ի և Թուրքիայի հարաբերությունները սրվեցին այն ժամանակ, երբ երկրում զինված հեղաշրջման փորձ կատարվեց։ Եվրամիությունը քննադատեց թուրքական իշխանությունների արձագանքը, զանգվածային ձերբակալություններն ու դադարեցրեց ԵՄ-ին անդամակցելու նոր բանակցությունների փուլը։
