ԵՐԵՎԱՆ, 23 օգոստոսի — Sputnik. Արցախի նախագահի խորհրդական Տիգրան Աբրահամյանն անդրադարձել է այն ահռելի աշխատանքին, որն իրականացվել է արցախյան սահմանին անցած տարվա ապրիլյան պատերազմից հետո։
«2016 թվականի ապրիլյան մարտական գործողություններից հետո բազմիցս խոսվել է առաջնագծի լրակահավորման, ամրաշինական գործողությունների, վերազինման, սահմանը տեխնիկական միջոցներով ապահովման անհրաժեշտության մասին:
Այս ընթացքում իսկապես ահռելի աշխատանք է տարվել, որի արդյունքում ծառայությունը որակապես լրիվ այլ մակարդակի է հասցվել»,- ֆեյսբուքյան իր էջում գրել է Աբրահամյանը։
Ըստ նրա` մարտական հերթապահություն կրող անձնակազմերի ծառայությունը դարձել է առավել անվտանգ, հակառակորդի շարժերը՝ առավել կանխատեսելի, զսպող մեխանիզմները՝ առավել արդյունավետ:
