ԵՐԵՎԱՆ, 22 օգոստոսի — Sputnik. Հյուսիսային Բուտովոյում oգոստոսի 21-ին բացված ցուցահանդեսում ներկայացվել են թեթև արդյունաբերության, գյուղատնտեսական վերամշակող արտադրությամբ զբաղվող ընկերությունների արտադրանքը, ինչպես նաև հայկական հուշանվերներ: Այս մասին հայտնում է ՀՀ տնտեսական զարգացման և ներդրումների նախարարության մամուլի ծառայությունը։
Ցուցահանդեսը կազմակերպել է Ռուսաստանի Դաշնությունում ՀՀ առևտրային ներկայացուցչությունը` ՀՀ տնտեսական զարգացման և ներդրումների նախարարության կողմից մշակված արտահանման խթանման ծրագրին համաձայն, Ռուսաստանի Դաշնությունում Հայաստանի Հանրապետության դեսպանության մասնակցությամբ ու Մոսկվայի առևտրի և ծառայությունների վարչության հետ պայմանավորվածությամբ:
Ցուցահանդեսը շարունակվելու է մինչև օգոստոսի 27-ը:
