ԵՐԵՎԱՆ, 22 օգոստոսի — Sputnik. Մաքսիմ Մանուկյանն Աշխարհի առաջնության եզրափակիչ փուլում հաղթեց բելառուս Ռադիկ Կուլիևին՝ դառնալով աշխարհի չեմպիոն: Մաքսիմը կարիերայում առաջին անգամ դարձավ աշխարհի չեմպիոն:
Կիսաեզրափակչում հայ ըմբիշը 1 րոպե 55 վայրկյանում հաղթել էր Եվրոպայի գործող չեմպիոն, վրացի Զուրաբի Դատունաշվիլիին` 7:0:Մանուկյանը պայքարը սկսել էր որակավորման փուլից, որտեղ 10:1 հաշվով առավելության էր հասել իրանցի Յոզեֆ Ղադերիանի նկատմամբ, այնուհետև 3:0 հաշվով հաղթանակ գերմանացի Այզեկի նկատմամբ:
Փարիզ-2017-ում Մանուկյանի ոսկե մեդալը 2-րդն է. ավելի վաղ Արթուր Ալեքսանյանը 3-րդ անգամ դարձել է աշխարհի չեմպիոն: Այսօր Կարեն Ասլանյանը պարտվել է եզրափակչում՝ դառնալով փոխչեմպիոն:
