Փարիզում ընթացող ըմբշամարտի աշխարհի առաջնության քառորդ եզրափակչում Հայաստանի ներկայացուցիչ, 98 կգ քաշային Արթուր Ալեքսանյանն, ինչպես հայտնի է, առավելության էր հասել վրացի Ռևազի Նադարեիշվիլիի նկատմամբ:
Աշխարհի առաջնությունում հայ ըմբիշը 6:2 հաշվով առավելության հասավ վրացու նկատմամբ, իսկ գոտեմարտը տպավորվեց նաև Ալեքսանյանի գեղեցիկ հնարքով, որը ճանաչվել է ըմբշամարտի ԱԱ-ի մրցումային առաջին օրվա լավագույն հնարք:
Այս մասին հայտնում է Հայաստանի ըմբշամարտի ֆեդերացիայի ֆեյսբուքյան էջը:
Ալեքսանյանը հաղթեց նույն այն մարզիկին, որը Թբիլիսիի մրցաշարում մրցավարների կողմնակալ որոշման արդյունքում հաղթեց Արթուրին:
Նշենք, որ Արթուր Ալեքսանյանը երրորդ անգամ դարձավ աշխարհի չեմպիոն` եզրափակիչ փուլում հաղթելով Ռուսաստանի ներկայացուցիչ Մուսա Եվլոևին։
