ԵՐԵՎԱՆ, 21 օգոստոսի – Sputnik. Հայաստանը հետաքրքրված է իրանական զագ գնելու հարցում, եթե ձեռնտու գին առաջարկվի. լրագրողներին ասաց ՀՀ վարչապետ Կարեն Կարապետյանը «Բազե» համահայկական երիտասարդական հավաք այցի ժամանակ։
«Տվյալ պահին բանակցություններ, որպես այդպիսին, չկան։ Բայց, եթե այնպիսի գին լինի, որ համեմատաբար մեզ համար ձեռնտու լինի, ապա մեծ սիրով», — ասաց Կարապետյանը։
Հայաստանի ու Իրանի միջև գազատարը շահագործման է հանձնվել 2007 թվականին։ Իրանական գազի փոխարեն Հայաստանը Իրանի հյուսիսային շրջաններ էլեկտրաէներգիա է մատակարարում 3 Կիլովատտ-ժամ` խորանարդ մետր գազի դիմաց։
2014 թվականին Հայաստանը 383 միլիոն խորանարդ մետր իրանական գազ է ստացել 1000 խորանարդ մետրի համար 189 դոլար գնով։ Իրանական գազը չի վաճառվում բնակչությանը կամ գործարարներին։ Այն Երևանի ջերմաէլեկտրակենտրոնի էլեկտրաէներգիա է դառնում, ու դրա զգալի մասը Իրան է վերադարձվում։
Ռուսական «Գազպրոմը» ու «Գազպրոմ Արմենիան» 2013 թվականին պայմանագիր են կնքել, որի համաձայն Հայաստան ռուսական գազ է մատակարարվելու տարեկան 2,5 միլիարդ խորանարդ մետր ծավալով 2014-2018 թվականներին, 2016 թվականի ապրիլի 7-ին պայմանագրի մեջ լրացումներ են արվել։
«Բազե» համահայկական երիտասարդական հավաքն անցկացվում է Ծաղկաձորում օգոստոսի 21-ից 27-ը։
