ԵՐԵՎԱՆ, 21 օգոստոսի – Sputnik. Օլիմպիական չեմպիոն Արթուր Ալեքսանյանը հաղթանակով մեկնարկեց Փարիզում ընթացող հունահռոմեական ըմբշամարտի աշխարհի առաջնությունում՝ 3։1 հաշվով հաղթելով իրանցի Սալեհիզադենին։
Ալեքսանյանը պայքարը սկսեց 98 կգ քաշային կարգի 1/16 եզրափակիչում։ Այս մասին հայտնում է sport.news.am-ը։
Իրանցի ըմբիշը գոտեմարտի հենց մեկնարկում դեմքի վնասվածք ստացավ, ինչը զայրացեց Սալեհիզադենին, որը շարունակեց կոպիտ գոտեմարտ անցկացնել։ Իրանցի ըմբիշի գոտեմարտելու ոճը դուր չեկավ Արթուր Ալեքսանյանին և օլիմպիական չեմպիոնը գորգի վրա նկատողություն արեց մրցակցին և թույլ չտվեց որևէ հնարք իրականացնել՝ վստահ հաղթանակ տանելով։
Ըմբշամարտի մեծահասակների աշխարհի առաջնությունը մեկնարկել է այսօր` օգոստոսի 21-ին։
