ԵՐԵՎԱՆ, 20 օգոստոսի — Sputnik. Ռուսաստանի Դաշնության արտակարգ իրավիճակների նախարարությունը Մոսկվայի բնակիչներին արտակարգ նախազգուշացում է հղել՝ մայրաքաղաքում սպասվող նորմայից բարձր տաք ջերմաստիճանի հետ կապված: Այս մասին տեղեկացնում է ՌԴ ԱԻՆ կայք էջը:
Հայտարարության մեջ ասվում է, որ սաստիկ շոգ եղանակը Մոսկվայում կշարունակվի նաև այսօր, օգոստոսի համար խիստ տաք համարվող մոսկովյան եղանակի պատճառով հայտարարված է նաև հրդեհների ռիսկի բարձր մակարդակ:
Նշվում է, որ ջերմաստիճանը ցերեկային ժամերին կարող է հասնել մինչև 32 աստիճան, տեղումներ չեն սպասվում:
Նախարարությունը կոչ է արել քաղաքացիներին ցուցաբերել զգուշություն, զերծ մնալ արևի տակ մնալուց, հագնել բաց գույնի հագուստ, օգտագործել շատ հեղուկ:
