ԵՐԵՎԱՆ, 19 օգոստոսի — Sputnik. Անգլիայի առաջնության երկրորդ տուրում «Մանչեսթեր Յունայթեդը» հյուրընկալվելիս 4:0 հաշվով հաղթեց «Սուոնսիին»։
Հանդիպման հաշիվն ընդմիջումից առաջ բացեց մանչեսթերցիների պաշտպան Էրիկ Բային: 80-րդ րոպեին Հենրիխ Մխիթարյանի փոխանցումից հետո «կարմիր սատանաների» առավելությունը կրկնապատկեց Ռոմելու Լուկակուն: Երկու րոպե անց Մխիթարյանի փոխանցումից հետո գոլի հեղինակ դարձավ Պոլ Պոգբան: «Մանչեսթեր Յունայթեդի» չորրորդ գնդակը դարպաս ուղարկեց ֆրանսիացի հարձակվող Անտոնի Մարսիալը:
Այսպիսով, Հենրիխ Մխիթարյանն Անգլիայի ընթացիկ առաջնությունում անցկացրած 2 խաղում դարձավ 4 գոլային փոխանցման հեղինակ:
