ԵՐԵՎԱՆ, 19 օգոստոսի — Sputnik. Սաքսոնիա-Անհալթ երկրամասի Ցուքաու համայնքում հանդիսավորությամբ կբացվի լավաշի առաջին թոնիրը։ Այս մասին հայտնում է Հայաստանում Գերմանիայի դեսպանատան մամուլի ծառայությունը։
«Լավաշի սիրահարներին, ովքեր ապրում են Գերմանիայում, օգոստոսի 20-ին Սաքսոնիա-Անհալթ երկրամասի Ցուքաու համայնքում կբացվի Սաքսոնիա-Անհալթում լավաշի առաջին թոնիրը՝ կառուցված հայ թոնրագործի կողմից»,-նշված է հաղորդագրության մեջ:
2014 թվականի նոյեմբերին Ոչ նյութական մշակութային ժառանգության պահպանման հարցերով միջկառավարական կոմիտեն հայկական լավաշ թխելու ավանդույթը ներառել է ՅՈՒՆԵՍԿՕ-ի մարդկության ոչ նյութական մշակութային ժառանգության ցանկում։
