ԵՐԵՎԱՆ, 19 օգոստոսի — Sputnik. ՀՀ արտակարգ իրավիճակների նախարարությունում օգոստոսի 19-ին, ժամը 14:17-ին ահազանգ է ստացվել, որ Լոռու մարզի Ալավերդի քաղաքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Ինչպես հայտնում են ԱԻՆ լրատվական ծառայությունից, դեպքի վայր է մեկնել մեկ մարտական հաշվարկ:
«Կա 2 զոհ և 7 տուժած: Փրկարարները տուժածներին ցուցաբերել են 1-ին բուժօգնություն և 2 տուժածի տեղափոխել Ալավերդու ԲԿ»,– նշված է հաղորդագրության մեջ:
Պարզվել է, որ Ստեփանավան-Ալավերդի ավտոճանապարհի 22-րդ կմ-ին բախվել են «Opel Vectra» և «Volkswagen golf» մակնիշի ավտոմեքենաները:
