ԵՐԵՎԱՆ, 17 օգոստոսի — Sputnik. Գյումրիում տեղակայված ռուսական 102 զորամասի զինծառայողի մահվան դեպքի առթիվ հարուցված քրեական գործը կքննի Ռուսաստանի Դաշնության քննչական կոմիտեն, Sputnik Արմենիային հայտնեց ՀՀ ՔԿ նախագահի խորհրդական Սոնա Տռուզյանը:
«ՀՀ քննչական կոմիտեի նախագահի հանձնարարությամբ ռուս զինծառայողի մահվան գործը փոխանցվել է Ռուսաստանի ՔԿ», — ասել է Տռուզյանը` ավելացնելով, որ դատաբժշկական եզրակացության համաձայն` զինծառայողը մահացել է արնահոսության հետևանքով:
Ռուս զինծառայողը խեղդվել էր օգոստոսի 13-ին Սևանում, որտեղ, ըստ տեղեկությունների, նա եղել էր երեք զինակից ընկերների հետ: Մահացածի դին ջրից դուրս են բերել փրկարարները:
