ԵՐԵՎԱՆ, 16 օգոստոսի — Sputnik. Մոսկվայի «Դոմոդեդովո» օդանավակայանում այս գիշեր ՀՀ քաղաքացի է մահացել: Այս մասին «Московский Комсомолец»-ին հայտնել է օդանավակայանի ղեկավարության աղբյուրը:
57-ամյա տղամարդը դստեր հետ պետք է Երևան թռչեր, սակայն մոսկովյան ժամանակով 2:45-ին նա իրեն վատ է զգացել օդանավակայանի մեկնման սրահում: Տղամարդուն տեղափոխել են բուժկետ, սակայն նրա կյանքը փրկել չի հաջողվել: Նա մահացել է սուր սրտային անբավարարությունից:
«Դոմոդեդովոյի» մամուլի ծառայությունից Sputnik Արմենիայի զանգին ի պատասխան ասացին, որ այս փուլում որևէ բան ասել չեն կարող և խնդրեցին գրավոր հարցում ուղարկել։
Հայտնի է, որ մինչև օգոստոսի 14-ն ուղևորը բուժվել է հիվանդանոցում թոքերի օնկոլոգիական հիվանդությունից:
