Լոռու մարզի մի շարք գյուղերում անասունների շրջանում գրանցված հիվանդությունների դեպքերը մտավախություն են առաջացրել սպառողի շահերի պաշտպանի մոտ։
«Սպառողների միություն» ՀԿ նախագահ Արմեն Պողոսյանը, պատասխանելով Sputnik Արմենիայի հարցին, թե որքանով է սպառողն ապահովված, որ հիվանդ անասունների միսը մորթից հետո չի հայտնվի վաճառակետերում, միանշանակ պատասխան չտվեց։
Պողոսյանի խոսքով` սպառողի իրավունքը պաշտպանող հասարակական կառույցները լաբորատոր հետազոտություններին չեն մասնակցել և Լոռու մարզում տարածված հիվանդության մասին տեղեկություններ չունեն։
Հիշեցնենք, որ ՍՊԱԾ տարածած տեղեկության համաձայն` լաբորատոր փորձաքննության արդյունքում Լոռու մարզի Դսեղ և Դեբեդ գյուղերի անասունների մոտ դաբաղ չի ախտորոշվել: Հայտնաբերվել է ոչ վարակիչ հիվանդություն, մի քանի կենդանիներ կրծի շրջանում վերքեր են ունեցել:
