ԵՐԵՎԱՆ, 16 օգոստոսի — Sputnik. Այսօր օրվա երկրորդ կեսին ու երեկոյան Հայաստան եկած սառը ցիկլոնը ավելի կհզորանա։ Երեկոյան ժամերին և գիշերը հանրապետության գրեթե ողջ տարածքում անձրև և ամպրոպ է կանխատեսվում։ Ամպրոպների ժամանակ քամու արագությունը կհասնի 20-25մ/վրկ։
Որոշ հատվածներում հնարավոր է նաև կարկուտ։ Այս մասին հայտնում է ՀՀ ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը։
Օգոստոսի 17-ին ցերեկը ցիկլոնը կթուլանա, սակայն որոշ շրջաններում ամպրոպն ու անձրևը կշարունակվեն։ Իսկ օգոստոսի 18-ից Հայաստանում կրկին կհաստատվի առանց տեղումների եղանակ։
Օդի ջերմաստիճանն այսօր և վաղը Արարատյան դաշտում ու Երևանում չի գերազանցի +30-32 աստիճանը, վաղը կբարձրանա 3-4 աստիճանով ։
Հիշեցնենք, անցած գիշերվանից հանրապետության տարածքում գործում է սևծովյան ցիկլոնը, գիշերը շրջանների զգալի մասում դիտվել է անձրև և ամպրոպ։
Իսկ Խոսրովի արգելոցում անձրև տեղացել է այսօր առավոտյան ժամը 8-ից։
