ԵՐԵՎԱՆ, 15 օգոստոսի — Sputnik. Երևանի «Էրեբունի» օդանավակայանում ջրատարների օգնությամբ վերալիցքավորվելուց հետո ՌԴ ԱԻ նախարարության հրդեհաշիջման «ԻԼ-76» ինքնաթիռը քիչ առաջ 2-րդ անգամ ուղևորվեց Խոսրովի արգելոցում բռնկված հրդեհի վայր:
Այս մասին տեղեկացնում են ՀՀ ԱԻՆ մամուլի ծառայությունից։
Հիշեցնենք, որ ՀՀ ԱԻՆ–ի խնդրանքով Ռուսաստանի ԱԻՆ–ի Իլ–76 ինքնաթիռն երեկ` օգոստոսի 14–ին, ուղևորվել է Հայաստան` հրդեհաշիջման աշխատանքներում օգնություն ցուցաբերելու համար։
ՌԴ ԱԻՆ–ի ինքնաթիռն Էրեբունի օդանավակայանում վայրէջք է կատարել օգոստոսի 14–ին տեղական ժամանակով 19:20։
